We use cookies to personalise content and ads, to provide social media features and to analyse our traffic. Read more…
Thursday
22
MAR

Лекцыя "Новая драматургія ў польскім сучасным тэатры"

19:30
21:00

Get Directions

Category
#var:page_name# cover

Рэспублiканскi тэатр беларускай драматургii РТБД , Польскі інстытут у Мінску / Instytut Polski w Mińsku і Цэнтр беларускай драматургіі запрашаюць на лекцыю прафесара Дарыюша Касіньскага “Новая драматургія ў польскім сучасным тэатры”!

Чакаем Вас 22 сакавіка ў 19:30 у Цэнтры беларускай драматургіі (г.Мінск, вул.Крапоткіна, 44).
Уваход вольны! Запіс па тэлефоне +375 29 646 38 36.

Дарыюш Касіньскі
• прафесар Кафедры перфарматыкі Факультэта паланістыкі Ягелонскага ўніверсітэта ў Кракаве,
• намеснік дырэктара Тэатральнага інстытута імя Збігнева Рашэўскага ў Варшаве,
• рэдактар інтэрнэт-энцыклапедыі Польскага Тэатра, рэдактар часопіса “Polish Theatre Journal”; галоўны рэдактар часопіса “Performer” (заснаванага па яго ініцыятыве ў 2011 годзе), з 2016г. як тэатральны крытык і публіцыст супрацоўнічае са штотыднёвікам “Тыгоднік Повшэхны”/“Tygodnik Powszechny”,
• сябра Праграмнай рады Тэатра імя Я.Каханоўскага ў Аполе, Праграмнай рады Тэатральнага аддзела Гістарычнага музея г.Кракава, сябрам Праграмнай рады Музея Маладой Польшчы „Rydlówka” - філіяла Гістарычнага музея г.Кракава, у 2013-2017 – сябра Праграмнай рады Інстытута музыкі і танца,
• віцэ-старшыня Польскага таварыства тэатральных даследаванняў у 2013-2016 гг.

Найбольш важным напрамкам навуковай працы спадара Касіньскага з'яўляецца вывучэнне польскай тэатральнай і перфарматыўнай традыцыі, вынікам якой стала выданне кнігі “Польскі тэатр перамен” (Вроцлаў, 2007) і аўтарскі сінтэз гісторыі польскіх тэатральных прадстаўленняў “Польскія тэатры. Гісторыя” (Варшава 2010; узнагарода выдавецтва “Знак” імя кс.праф. Юзэфа Цішнэра, 2011; навуковая ўзнагарода імя Ежы Гедройца 2012; нямецкі пераклад апублікаваны ў 2012г.; кітайскі – у 2016г.; рыхтуюцца пераклады на рускую і англійскую мовы).
Не менш важнае месца ў даследаваннях праф. Д.Касіньскага займае творчасць і ідэі Ежы Гратоўскага. Ён з'яўляецца аўтарам папулярнай біяграфіі рэжысёра –“Гратоўскі. Даведнік” (Вроцлаў, 2009), а нядаўна была апублікавана манаграфія, прысвечаная спектаклям Гратоўскага з пачатку 60-х гг. – “Гратоўскі. Прафанацыі” (Вроцлаў, 2015). У 2010-2013гг. Дарыюш Касінькі быў праграмным дырэктарам Інстытута імя Е.Гратоўскага ў Вроцлаве. Таксама з'яўляўся адным з рэдактараў кнігі „Выбраныя тэксты Ежы Гратоўскага” (Варшава, 2012).

Чакаем Вас!
Да сустрэчы!