We use cookies to personalise content and ads, to provide social media features and to analyse our traffic. Read more…
Tuesday
31
OCT

رحلة لمحميات جنوب سيناء دهب وطابا ومحمية راس محمد وابو جالوم

22:00
21:00
 Egyptian Tourism Campaigns
Event organized by Egyptian Tourism Campaigns

Get Directions

Category
#var:page_name# cover

رحلة الخريف لمحميات جنوب سيناء دهب وطابا ومحمية راس محمد ومحمية ابو جالوم

نظرا للاقبال الشديد على هذا البرنامج المميز والممتع لرحلات المتخصصة لمحميات سيناء قررنا نقضى معاكم امتع توقيت فى العام ممكن تزور فيه دهب وتستمتع بيها وتعمل سفارى فى اجمل واروع بقاع مصر (الرحلة دى ثقافية للمحميات كل يوم زيارة تفصيلية لمحمية)

هنتجمع يوم الثلاثاء 31 اكتوبر فى حدود الساعه 11 م ان شاء الله وممكن يكون بعد الموعد دا كمان امام الجو باص بميدان عبد المنعم رياض وهيتم تحديد موعد التحرك بالضبط قبل الرحلة ويتم الاتصال بالمشتركين .

هنوصل دهب والتسكين هيكون فى فندق متوسط المستوى منتجع جنة سيناء على اللاجون (3 نجوم) على البحر مباشرة هنستلم الغرف وبعدها هنغير ونبتدى نستعد عشان هنتحرك بالجمل الى محمية رائعة عمرك ما هتنساها ومغامرة حلو هتعجبك وهى زيارة محمية ابو جالوم .. هنتحرك بالجمل واحنا رايحين واحنا راجعين هنرجع بالانش السريع هتمشى على البحر والجبال بالجمل لمدة ساعة ونصف تقريبا :) وبعدها نتعشى بالفندق والمبيت.

تانى يوم بعد الافطار هنتحرك بسيارات الدفع الرباعى عشان نروح سفارى اجمل بقاع مصر( محمية طابا ) هنحرك بسيارات دفع رفاعى وهنقضى يوم صحراوى جامد فى جو خريفى معتدل صحراوى هنزور الوادى الابيض والوادى الملون وواحة عين خضرة وصخرة المشروم وبعد كدا هنرجع الفندق ونخد وجبة العشاء بتاعتنا وجولة حرة بدهب .

اليوم الثالث هنصحى نخد الفطار بتاعنا وهنتحرك بسيارات صغيرة 14 راكب لزيارة اجمل محمية طبيعية و منطقة تراث طبيعى عالمى (محمية راس محمد) ونلف فى المحمية ونشوف البوابات الحجريه وشق الزلزال والخليج الخفى وغابات المانجروف والبانوراما . هتتفرج على اماكن عمرك ما هتنسى جمالها فى حياتك وهننزل بلاج رملى هناك حلو جدا جدا وهتستمتع باليوم ان شاء الله . وبعد كدا هنتحرك على الفندق فى دهب ونخد وجبة العشاء بتاعتنا وجولة حرة بدهب .

اليوم الرابع هنفطر ونتحرك بالشنط بتاعتنا فى الاتوبيس عشان هنزور طابا اجمل بقاع مصر وهنبتدى نخد المركب ونتحرك على جزيرة فرعون ونطلع قلعة صلاح الدين فى طابا وسط البحر وهتشوف المكان الوحيد ال بيشرف على حدود اربع دول (مصر / الاراضى المحتلة / الاردن / السعودية) وبعدها هنتحرك ان شاء الله عشان نزور خليج الفيورد ونتصور ونشوف اجمل المناظر الطبيعية الخلابة فى مصر وبعدها هنرجع على الاتوبيس ومن طابا هنتحرك عشان نستعد للعودة الى القاهرة سالمين بمشيئة الله :)

الرحلة ليها سعرين ودا حسب اختيارك كالاتى :

يعنى لو عاوز الرحلة بدون برنامج ترفيهى ال هو المزارات اليومية والمحميات وهيكون سعر الفرد شامل جميع ما سبق من انتقالات من والى القاهرة وانتقالات داخلية بدون برنامج ترفيهى ومزارات (اقامة بالفندق وانتقالات فقط) 1400 جنيه .

ولو عاوز الرحلة بالبرنامج الترفيهى الكامل المذكور وهو زيارة المزارات والمحميات كاملة فى جنوب سيناء هيكون سعر الفرد 2000 جنيه .

ملحوظات هامة

الرحلة تشمل الاقامة 4 ايام 3 ليالى بغرف زوجية او ثلاثية بفندق متوسط المستوى (منتجع جنة سيناء على اللاجون مباشرة) 3 نجوم على البحر مباشرة بوجبتى الافطار والعشاء بوفيه مفتوح . كل الغرف زوجيه او ثلاثية مكيفة وبها حمام داخلى . مع العلم بان الغرف جميعها ليست مطلة على البحر ولكن مطلة على الجاردن. الجولة الحرة داخل دهب تكون حسب الرغبة .العشاء بالفنادق هو الوجبة الرئيسة (لحوم)

* اخترنا فندق متوسط المستوى لاننا هنخرج كل يوم من الصبح الساعة 7 ص الى الساعة 6 المغرب وبالتالى مافيش اى مجال للاقامة بالفندق مع العلم ان الفندق غرف نظيفة وعلى البحر ومستواه متوسط .

العدد المطلوب للرحلة محدود جدا 35 فردفقط والاولوية باسبقية الحجز .. والحجز يكون بدفع ثلثى المبلغ والثلث الاخر يوم الرحلة ان شاء الله.

الحجز باسرع وقت فى خلال ايام والا سيكتمل العدد ومن الممكن ان يكتمل العدد فى خلال ساعات

الرحلة غير مناسبة للاطفال اقل من 12 سنة ولكبار السن نظرا للبرنامج الكبير والشاق بالرحلة .

للحجز عن طريق المقابله او من خلال خاصية فودافون كاش او من خلال البريد يرجى التواصل على رقم: 01061469692

لو اول مرة تشتركو معانا وعاوزين تعرفو احنا مين و اتعرفو معانا على تاريخكم وشوفو بلدكم بعيون مختلفة و تقدرو تتابعونا وتعرفو اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
https://www.facebook.com/7amalategypt
او الجروب الرسمى بتاعنا من الرابط التالى :
https://www.facebook.com/groups/fehahagahelwa

Other events by
Egyptian Tourism Campaigns