We use cookies to personalise content and ads, to provide social media features and to analyse our traffic. Read more…
Monday
02
APR

شكة برجل

10:00
16:00

Get Directions

Category
#var:page_name# cover

عمرك اتشكيت من البرجل ؟!
اتشكيت غصب عنك ولا بإرادتك ؟!
احساسك إيه بعد ما اتشكيت ؟!

تعرف إن فيه أطفال بإرادتهم بيتشكوا بمعدل من أسبوعين لشهر كل مرة .. بس المرة دي مش ببرجل .. الشكة بتكون من إبرة .. شكة الإبرة دي بتعادل حياتهم

مين الأطفال دول ؟! واشمعني هم بالذات ؟!

دول أطفال بيكونوا مولودين بخلل في جين معين بيخلي جسمهم غير قادر على تكوين الدم بصورة طبيعية و بيتكسر بمعدل أسرع من الطبيعي
و للأسف العلاج الوحيد هو نقل الدم بصورة مستمرة و دورية إلى القيام بعملية زرع نخاع عظمي


تخيل معايا كده إنت بتعييش علي الأكل والشرب وهم بيعيشوا علي كيس الدم

طيب إزاي بيتوفر لهم كيس دم ؟!
عن طريق التبرع بالصورة الصحيحة السليمة وده اللي الحمد لله جمعية مصر شريان العطاء بتقوم بيه .. ودي جمعية غير ربحية تابعة لكلية الطب جامعة عين شمس .. هدفها الأول هو نشر ثقافة التبرع بالدم وتوصيل كيس الدم إلي مستحقيه مجانا والأهم من كده هو سلامة المتبرع والمتربع له

الهدف ده بيتم إزاي ؟!
أولا .. بنهتم بصحة المتبرع عن طريق قياس نسبة الانيميا وعمل التحاليل اللازمة علي عينة الدم وتسليمها للمتبرع بعدها بأسبوعين
ثانيا .. بنقيس ضغط الدم للمتبرع وبتم ملأ استمارة للتأكد من الحالة الصحية
ثالثا.. لو المتبرع وجدنا عنده اي مانع للتبرع فيكفي إننا نقدم برنامج توعوي نفهم فيه الناس طبيعة المرض ده وأهمية التبرع

المرة دي إحنا جايين هندسة عين شمس بالتعاون مع عشيرة الجوالة علشان ننشر رسالتنا وهدفنا .. علشان نقول لكم إن شكة برجل بتساوي حياة

مستنيينكم أيام 3/4/5 من شهر إبريل بكلية هندسة عين شمس عند مقر عشيرة الجوالة