We use cookies to personalise content and ads, to provide social media features and to analyse our traffic. Read more…
Sunday
24
JUN

BTD: BENAA Training Diploma - Round7

11:00
16:00
Benaa Academy
Event organized by Benaa Academy

Get Directions

Category
#var:page_name# cover

أضخم برنامج تدريبي لمهندسين و طلبة #مدني و #عمارة
#BTD_2018 – "Round 7"
دبلومة بناء التدريبية – Benaa Training Diploma
للمهندس/ مصطفى عفيفي

#تفاصيل_الدبلومة
===========
• إجمالي عدد ساعات الدبلومة: 200 ساعة تدريبية مكثفة
• الدبلومة في الفترة من 24/6/2018 إلى 16/8/2018
• إجمالي عدد المحاضرات: 40 محاضرة
• مدة المحاضرة: 5 ساعات
• موعد المحاضرات (صباحاً) من 10:00 ص إلى 3:00 ع
• أيام المحاضرات: يومياً من الأحد إلى الخميس لمدة 8 أسابيع
• الجمعة و السبت أجازة
• مكان إقامة الدبلومة: جامعة الأزهر بمدينة نصر- قاعة مركز صالح

طريقة الحجز لحضور الدبلومة:
==================
1. هتدخل تملى بياناتك في 3 دقايق على اللينك ده: https://goo.gl/forms/qIYVTcSHhQucnjHy2
2. خلال أسبوع من تسجيل بياناتك هتأكد الحجز عن طريق سداد مبلغ 200 ج فقط من تكلفة الكورس و في حالة عدم تأكيد الحجز خلال أسبوع بيتم إلغاء الحجز تلقائياً
3. تأكيد الحجز بيكون إما في مقر الأكاديمية أو بالبريد أو بخدمة فودافون كاش
4. باقي تكلفة الكورس يمكنك سدادها بدءاً من تاريخ 1/4/2018 و في موعد أقصاه 30/4/2018
5. يمكنك إلغاء الحجز في أي وقت قبل تاريخ 30/4/2018 و بيتم خصم مبلغ 50 ج مصاريف إدارية في حالة الإلغاء
6. غير مسموح بإلغاء الحجز أو استرداد مبلغ الحجز بعد تاريخ 30/4/2018

لأي إستفسارات أو توضيح تقدر تتواصل معانا على رسايل الصفحة أو على الأرقام: 01148654444 – 0222733845

تكلفة الكورس:
=============
•التكلفة الأصلية للكورس 3000 ج
•التكلفة *المخفضة للطلبة و لحديثي التخرج فقط ( 1600 ج )
•تكلفة الكورس تشمل الحضور و ورش العمل و إستلام جميع المرفقات و الشهادات
•لا يوجد أي تكلفة مصروفات إضافية غير المعلنة
*المقصود بحديثي التخرج خريجي دفعات من 2016 إلى 2018 فقط

الشريحة المستهدفة للكورس:
================
• طلبة مدني و عمارة بشرط إتمام الفرقة التانية على الأقل.
• مهندسين مدني و عمارة حديثي التخرج.
• غير مسموح بحضور طلبة قبل الفرقة التانية.
• غير مسموح بحضور خريجين قبل دفعة 2010 إلا في حالات استثنائية بعد عمل مقابلة مع المحاضر.
__________________________________________


محتوى الدبلومة:
============
باختصار كده.. البرنامج التدريبي ده عبارة عن 6 محاور رئيسة:
(تنفيذ- إدارة موقع- إدارة مشروعات- مكتب فني- التأهيل لسوق العمل- الشغل الخاص في المقاولات)
◄ أولاً: أعمال التنفيذ (خرسانات+ تشطيبات)
-------------------------------------------------

• إزاي تقرا لوحات المشروع لكل البنود و تعرف إزاي تصفي اللوحات دي و تحولها للوحات شوب درووينج
• مرحلة تجهيز و تنسيق الموقع- الأعمال المساحية- أعمال الجسات- أعمال الحفر- أعمال الردم- أعمال الإحلال- طرق سند جوانب الحفر
• الأساسات السطحية و الأساسات العميقة- القواعد العادية و المسلحة- القواعد المنفصلة- القواعد المشتركة- اللبشة- السملات و الميدات و الشدادات- الخوازيق- قواعد المنشآت المعدنية
• الـSolid Slabs – الـ Flat Slabs – الـ Hollow Block Slabs – الـ Waffle Slabs
• الأعمدة- الحوائط الخرسانية- الخزانات و حمامات السباحة- السلالم- البلاطات الخرسانية للأرضيات- خرسانة الدكات- خرسانة الميول
• الأعمال الخرسانية- أعمال النجارة لجميع العناصر الخرسانية- الشدات و الفرم- الشدات الخشبية- الشدات المعدنية- الشدات المنزلقة
• أعمال الحدادة لجميع لعناصر الخرسانية- تفريد حديد التسليح لجميع العناصر الخرسانية- عمل الـCutting List لحديد التسليح للوصول لأقل هالك- قراءة لوحات التسليح
• تنفيذ أعمال صب الخرسانة- إضافات الخرسانة و الخرسانات الخاصة- فنيات و مهارات الخرسانة- خلط الخرسانة في الموقع- الخرسانة الجاهزة- صب الخرسانة بطريقة الخط الثابت- صب الخرسانة تحت الماء- الخرسانة المقذوفة- الخرسانة ذاتية الدمك- أزمنة فك الشدات و الفرم- عيوب الخرسانة- معالجة و ترميم الخرسانة
• الفواصل الإنشائية- فواصل التمدد- فواصل الهبوط- فواصل الصب
• أحدث الأنظمة الإنشائية الخاصة
• Pre stressed concrete- Pre cast concrete- Post tension
• أعمال المباني- بياض المحارة الداخلي و الخارجي- الأعمال الجبسية و الحليات و الكرانيش- الدهانات الداخلية و الخارجية- ورق الحائط- أعمال التكسيات للحوائط و الأرضيات- الرخام و الجرانيت و الأحجار- السيراميك و البورسلين- البلاط- الباركية- الأرضيات الإيبوكسية- البردورات- الإنترلوك- الأبواب و الشبابيك- الأعمال الخشبية- الأعمال المعدنية- حديد الكريتال و الفورفورجيه- الألوميتال- الـ PVC- عزل الرطوبة- عزل الحرارة- عزل الصوت- القرميد - الـHDF -- الكرانيش الفيوتك- الأسقف المعلقة و بيوت الستائر و بيوت النور- الجيبسوم بورد- الطوب الزجاجي- الكوريان- الـCladding و الكيرتين وول- الـ CNC - أحدث خامات و طرق التشطيبات المتطورة
• الأعمال الصحية- الأعمال الإلكتروميكانيكية- أعمال الكهرباء- التأريض و مانع الصواعق- أعمال التكييف- إنذار و مكافحة الحريق
نبذه عن شبكات الكهرباء شبكات المياة و الصرف و أعمال الأسفلت و اللاندسكيب
• تسلسل تنفيذ البنود في الموقع
• شرح أهم بنود الكود المصري و المواصفات القياسية المصرية للتنفيذ
• الأمن الصناعي و السلامة و الصحة المهنية
• أحدث كيماويات و مواد و خامات البناء الحديث
• معاينة المنشآت و عمل التقرير الفني عن العيوب
• أعمال الترميمات للمنشآت الخرسانية- أعمال التدعيم- أعمال الصيانة و الإصلاحات
• أعمال ضبط الجودة QC و الإشراف الهندسي
• طرق تنفيذ كل بنود المشروع- خطوات إستلام كل البنود- الإختبارات اللي بيتم عملها في الموقع لكل مراحل التنفيذ- نسب خلط المون بالموقع- معدلات أداء الصنايعية- أسعار الخامات و المصناعيات لتنفيذ البنود

◄ ثانياً: إدارة الموقع
--------------------

• إزاي تدير موقع كامل لوحدك في بداية حياتك العملية
• إزاي تتعامل باحتراف مع الصنايعية و العمال و المقاولين و المشرفين
• إزاي تضمن إن الصنايعية ماتشتغلكش في الموقع و تسلمك شغل غلط
• إزاي تتعامل مع زمايلك و رؤسائك و مرؤسيك
• إزاي تطور نفسك في الموقع في فترة قصيرة
• إزاي تحافظ على الموقع بتاعك و تعمل أفضل شغل ممكن بأقل تكلفة و في أقل وقت
• إيه المشاكل المتوقع إنها تقابلك في الموقع و إزاي تتصرف لو قابلتك

◄ ثالثاً: إدارة المشروعات
----------------------------

هانعرف إيه هي المراحل السته اللي بيمر بيها أي مشروع و هانفهم تفاصيل كل مرحلة:
• Studying Stage - Design Stage - Bedding Stage - Contracting Stage - Construction Stage - Commissioning Stage
• هانفهم بالظبط دور شركات المالك و الإستشاري و المقاول العام و مقاولين الباطن في المشروع و إيه مسئوليات كل شركة منهم و العلاقة بينهم بتكون إزاي خلال فترة المشروع و الهيكل الوظيفي و التنظيمي لكل شركة

#العطاءات و #المناقصات و #العقود و #إدارة_مشروعات_التشييد:
• هانتعلم كل حاجة عن شغل العطاءات و المناقصات بالتفصيل و أنواعها و إزاي بيتم طرح مناقصات المشاريع الكبرى و بناءاً على إيه بيتم اختيار شركة المقاولات اللي هاتنفذ المشروع و هانعرف إيه هي المستندات اللي بيتم تقديمها في المناقصة و إزاي بيتم إعدادها، و هانفهم يعني إيه مظروف فني و مظروف مالي و هانتعلم إزاي نقدم الـ Bedding Documents و هانفهم يعني إيه جلسة استفسارات و جلسة فض مظاريف و جلسة ممارسة، و هانعرف كمان الفرق بين المناقصة المفتوحة و المحدوة و الإسناد المباشر
• هانعرف يعني إيه تأمين مؤقت و تأمين ابتدائي و تأمين نهائي و خطاب ضمان و وظيفة كل حاجة منهم، و هانفهم إزاي التعامل المالي بيتم بين الشركات في مجال المقاولات و إزاي بيتم صرف الدفعات المالية و الدفعة المقدمة للمشروع
• هانفهم يعني إيه BOQ و إزاي بيتم إعداد مقايسات المشاريع و هانفهم إيه هي المواصفات الفنية للمشروع و الإشتراطات العامة و الخاصة و طريقة اعدادهم
• هانتعلم إزاي نعمل محضر تسليم الموقع و محضر الإستلام الإبتدائي و محضر الإستلام النهائي و هانفهم يعني إيه ضمان الأعمال و الضمان العشري للمشروع
• إزاي بيتم دراسة المشاريع و التخطيط ليها في الشركات الكبرى
• هانتكلم عن عقود المقاولات أو عقود الـ FIDIC بين أطراف المشروع الأربعة (المالك و الإستشاري و المقاول العام و مقاولين الباطن) و إيه الفرق بين الـ Cost Contract و الـ Price Contract ، و هانتعلم بالتفصيل إزاي نكتب بنود العقد

#المقايسات BOQ:
• هانعرف إيه هي المقايسات و أنواعها و هانتعلم إزاي نعمل مقايسة كاملة لمشروع بشكل احترافي و إزاي نصيغ كتابة بنود المقايسة و وحدات القياس و خانات الكميات و الأسعار و هانعرف إيه المشاكل اللي ممكن تقابلنا في المقايسات و إزاي ممكن العطاء يترفض بسبب طريقة كتابة المقايسة
• هانتدرب مع بعض على إعداد المقايسات

#التسعير Pricing:
• هانتعلم إزاي نعمل تحليل أسعار لكل بنود المشروع و إزاي نعمل Cost Estimating و نحسب التكلفة الفعليه لتنفيذ كل بند و إزاي نقدر نسعر المقايسة و نضيف هامش الربح و المصاريف الإدارية و هانعرف الفرق بين الـ Direct Cost و الـ Indirect Cost و هانتدرب بشكل كافي على تسعير البنود مانيوال و باستخدام شيتات الإكسيل الخاصة بالتسعير
• هانعرف معدلات الأداء و الإنتاجية للصنايعية و العمالة و المعدات و معدلات الإستهلاك للمواد و الخامات لجميع البنود و اللي بنستخدمها في تسعير أي مشروع
• هانتدرب على تسعير مقايسة مشروع حقيقي أثناء الكورس

#البرامج_الزمنية Time Schedule:
• هانعرف أهمية البرامج الزمنية و طريقة عملها و متابعتها و حساب التدفق المالي Cash Flow و عمل الـ Cash in و الـ Cash Out و إزاي تضغط المدة الزمنية للمشروع و إزاي نعمل Crashing و هانفهم يعني إيه الـ Critical bath للمشروع، و إيه هو تسلسل تنفيذ البنود و الأنشطة بالموقع و تأثير المدة الزمنية الفعلية للمشروع على مكافآت الإنجاز و غرامات التأخير

◄ رابعاً: المكتب الفني
------------------------

• هنعرف إيه هي وظيفة و مسئوليات المكتب الفني في المشروع و الدور اللي بيقوم بيه مهندس المكتب الفني

#حصر_الكميات QS:
• الحصر الهندسي الدقيق من اللوحات و الحصر الفعلي من الموقع لجميع بنود المشروع بالكامل (أعمال ترابيه و خرسانات و تشطيبات) – و هانحصر مع بعض أكتر من 40 بند مختلف، و هانعرف إيه هي أسس الحصر الهندسي وفقاً للكود المصري و المواصفات القياسية المصرية و أصول الصناعة و الوحدات المختلفة لقياس كميات البنود و إمتى نستخدم كل وحدة
• حصر و تفريد حديد التسليح لكل العناصر الخرسانية و حساب أوزان حديد التسليح المطلوبة للمنشأ و عمل الـbending list للحديد و حساب وزن حديد التسليح لكل متر مكعب من الخرسانة، و هانتعلم إزاي نعمل الـ BBS و الـ Cutting List للحديد عشان نوصل لأقل هالك ممكن و أفضل طريقة لتقطيع الحديد.
• هانتعلم كمان لو عندك قطعة أرض مثلاً و لسه ما اتعملش تصميم ليها إزاي بسهولة و بسرعة تقدر تحصر كميات البنود ليها و تحسب تكلفة إنشاء المبنى للخرسانات و التشطيبات بشكل مبدئي بمجرد النظر و تحسب كمان كميات التوريدات اللي هاتحتاجها بدقة كبيرة
• أثناء ورش العمل هانتدرب بشكل كافي جداً على كل حاجة تخص الحصر

#المستخلصات Invoices:
• هانفهم إيه هي المستخلصات و طريقة عملها بالتفصيل و حسابات المقاولات و التعاملات المالية بين أطراف المشروع و فروق الأسعار و البنود المستجدة و تغير الكميات و إدراج التشوينات في المستخلصات و مستخلصات المالك و مستخلصات مقاولين الباطن و نسب الخصم و الإستقطاعات من المستخلصات و خصم الضرائب و التأمينات
• هانتعلم إزاي نعمل المستخلصات بشكل احترافي و طريقة كتابة جدول المستخلص و ملئ الخانات مانيوال و باستخدام الإكسيل
• هانعمل مع بعض مستخلصات مشروع حقيقي كامل من البداية للنهاية و هانتطرق لكل المشاكل اللي ممكن تقابلك أثناء عمل المستخلصات

#اللوحات_التنفيذيةShop Drawing :
• هانعرف الفرق بين لوحات الـTender و الـShop Drawing و الـAs Built Drawings و هانتعلم إزاي نعمل اللوحات دي و إزاي نقراها و نطلع منها التفاصيل اللي محتاجينها
• هانتعلم الـ Coordination وعمل المطابقة بين اللوحات المعمارية و الإنشائية
• شرح و دراسة الكود المصري و دراسة دليل التفاصيل الإنشائية فيما يخص تفاصيل حديد التسليح و التفاصيل الإنشائية و دراسة حالات طول الرباط و طول الوصلات و شروط الوصلات و أماكنها و أماكن الحديد الإضافي للعناصر المختلفه عشان هانستخدم الحاجات دي و إحنا بنرسم الشوب درووينج
• عمل لوحات الـ Form Work لأعمال النجارة لجميع بنود الخرسانات (قواعد و أعمدة و بلاطات و كمرات)
• عمل لوحات تفريد حديد التسليح لجميع العناصر الخرسانية (قواعد و أعمدة و بلاطات و كمرات)
• عمل لوحات التفاصيل الإنشائية لجميع العلاقات بين العناصر الخرسانية المختلفة
• عمل لوحات الشوب درووينج لبنود التشطيبات المختلفة بتفاصيلها

#المخاطبات و النماذج الورقية للمشروع:
• هانتعلم بالتفصيل إيه هي الدورة المستندية للمشروع و إيه الورقيات اللي بنستخدمها في المشاريع الكبرى و إزاي نكتبها، و إزاي نقدر نقدم خطاب أو مذكرة و إزاي نبعت إيميلات الشغل بشكل احترافي
• هانفهم يعني إيه المصطلحات و الإختصارات اللي بنستخدمها في شغل المكتب الفني زي NCR, PO, PR, RFI, IR, MOM, KOF, AOD, CDR, TQ, VR, SWI, RFA, SD, SR, QC, QA, QS, BOQ, VO, PMI
• هانعرف إيه هي مطابقة المسحوبات و أهميتها في شركات المقاولات و إزاي من خلالها تقدر تسيطر على كل حاجة بتحصل في المشروع

◄ خامساً: التأهيل لسوق العمل:
--------------------------------

• إزاي تطور نفسك لسوق العمل أثناء فترة الدراسة و بعد التخرج؟
• إيه الكورسات و الشهادات اللي محتاجها عشان تبقى مؤهل و جاهز للشغل؟
• إزاي تختار أول وظيفة ليك بعد التخرج؟
• إزاي تزود فرصتك في إنك تلاقي شغل؟
• هل التقدير التراكمي و اسم الجامعة أو المعهد و مشروع التخرج بيفرقوا في الشغل و لا لأ؟
• إزاي تكتب CV صح و إيه الأخطاء اللي أغلب المهندسين بيقعوا فيها في كتابة الـCV؟
• ليه بتبعت الـCV كتير و ماحدش بيتصل بيك؟
• إزاي بقى تقدم الـCV عشان يجيلك شغل كويس؟
• تعمل إيه في الإنترفيو و تحضر نفسك إزاي.. و إزاي تخلي صاحب الشغل هو اللي يتمنى يشغلك؟
• إيه أخطر الأسئلة اللي هاتتسئلها في الإنترفيو و اللي أغلب المهندسين للأسف بيجاوبوها غلط و بسببها مابيتقبلوش؟
• هل فيه حاجة فعلاً إسمها أسئلة الإنترفيو؟
• تطلب مرتب كام في أول شغل ليك و إيه هي متوسطات رواتب المهندسين في مصر و بره مصر؟
• إزاي تعرف إن الشركة دي كويسة و لا أي كلام من قبل ماتشتغل فيها؟
• إيه هي حقوقك في الشركة و يعني إيه عقد و تأمينات إجتماعية و تأمين طبي و أجازات سنوية و إيه اللي ليك و اللي عليك؟
• يعني إيه مصوغات التعيين؟
• إيه اللي تخلي بالك منه و انت بتوقع العقد بتاع أول شغل ليك عشان ماتلبسش في الحيط؟
• إمتى تسافر؟
• إمتى تسيب الشغل؟
• إيه هي مسئولياتك و صلاحياتك في أي شغل؟

◄ سادساً: إزاي تشيل شغل مقاولات لحسابك الخاص:
------------------------------------------------------------
• إزاي تبدأ تشتغل شغل مقاولات لحسابك الخاص؟
• هل شغل المقاولات الخاص بيكسب فلوس؟
• هل شغل المقاولات محتاج رأس مال؟
• هل عشان أشيل شغل مقاولات لازم يكون عندي مكتب مقاولات؟
• إيه هي إجراءات تأسيس مكتب مقاولات؟
• إمتى التوقيت المناسب اللي أقدر فيه أتجه لشغل المقاولات الخاص؟
• شغل المقاولات من خلال الشركات أفضل أم من خلال الأفراد؟
• إزاي تسوق لنفسك في شغل المقاولات و تعرف تجيب شغل؟
• إزاي تتفق مع العملاء و تتعاقد معاهم؟
• إزاي تعمل عقد و مقايسة و حصر كميات و تسعير للعميل و تحط هامش ربح؟
• إيه الأفضل في الشغل الخاص.. الخرسانات ولا التشطيبات؟
• ينفع أشيل شغل مقاولات و أنا حديث تخرج ولا لازم خبرة؟
• هل شغل المقاولات الخاص لازم أكون متفرغ ليه تماماً ولا ممكن بجانب شغلي في شركة؟
• إيه بالظبط الحاجات اللي هحتاجها عشان أقدر أشيل شغل مقاولات؟
• إزاي أجيب صنايعية و اتفق معاهم و استلم منهم الشغل؟
• طب ينفع أدخل شراكة مع شخص تاني في موضوع الشغل الخاص؟
• لو جالي شغل مقاولات و أنا ماعنديش خبرة.. إزاي أقدر أنفذه؟
• إزاي أتغلب على موضوع إني ماعنديش سابقة أعمال أقدر من خلالها أشيل شغل؟
• إزاي أقنع العميل و أخليه يثق فيا و أنا لسه حديث تخرج؟
• هل كل المهندسين ينفع يشيلوا شغل مقاولات لحسابهم؟
• هل شغل المقاولات الخاص ينفع للمهندسات كمان ولا لأ؟
• إيه الفرق بين شغل المقاولات و شغل الإستثمار العقاري؟
• التعامل المالي مع العملاء و مع الشركات بيكون إزاي في شغل المقاولات؟
• شغل المقاولات الخاص أفضل ولا السفر بره مصر؟
• إيه المشاكل و الصعوبات اللي متوقع تقابلني في شغل المقاولات و إزاي اتغلب عليها؟
• إزاي شغل المقاولات الخاص ممكن يغير حياتك؟


◄ ورش العمل اللي هاتتعمل خلال البرنامج التدريبي:
----------------------------------------------------

• ورشة عمل لأعمال النجارة
• ورشة عمل لأعمال الحدادة
• ورشة عمل مساحيه للتدريب على استخدام ميزان القامه
• ورشة عمل لأعمال الـShop Drawing خرسانات و تشطيبات
• ورشة عمل للحصر الهندسي
• ورشة عمل للتسعير و إعداد المقايسات
• ورشة عمل للمستخلصات
• ورشة عمل للمخاطبات و الورقيات
• ورشة محاكاة للإنترفيو

#مرفقات_الكورس:
==========
ملزمة مطبوعة بها شرح الكورس بالكامل
تسجيل صوتي لجميع محاضرات الكورس
أسعار الخامات و المصناعيات لجميع البنود لعام 2018
قاموس هندسي خاص بمصطلحات الموقع عربي - إنجليزي
قاموس هندسي إنجليزي عربي للمصطلحات الهندسية للمكتب الفني و إدارة المشروعات
دليل الجيب لاستلام جميع البنود في الموقع
الداتا شيت لجميع منتجات كيماويات البناء المستخدمه في المواقع
ملخص المواصفات الفنيه للأعمال وفقاً للمواصفات القياسيه المصريه
دليل التفاصيل الإنشائية للكود المصري
لوحات لجميع التفاصيل الإنشائية و المعمارية أوتوكاد
الجداول الهندسية و الفعلية لحساب معدلات الإنتاج و الأداء و الإستهلاك للبنود و العماله و المعدات
فايل وورد مفتوح فيه نماذج لجميع الورقيات و المخاطبات و التقارير اللي ممكن نحتاجها في أي مشروع
جميع المستندات لمشروع حقيقي Soft Copy
مقايسة المشروع- عقد المشروع- المواصفات و الإشتراطات- البرنامج الزمني للمشروع- لوحات كاملة أوتوكاد
نماذج مقايسات لعدة مشاريع كبرى عربي و English
جميع شيتات الإكسيل اللي ممكن تحتاجها في الشغل للحصر الهندسي لجميع البنود و تفريد و عمل جداول حديد التسليح و عمل المستخلصات... إلخ
جميع الأكواد اللي ممكن تحتاجها في شغلك
عدة كتب هامة pdf للتنفيذ و المكتب الفني و إدارة المشروعات