We use cookies to personalise content and ads, to provide social media features and to analyse our traffic. Read more…
Friday
20
APR

Psychodrama Workshop with Dr. Ahmed Sawahel

09:30
16:00
Dawar  دوار
Event organized by Dawar دوار

Get Directions

Category
#var:page_name# cover

ورشة سيكودراما
الميعاد : اربع أيام من 20 الي 23 ابريل
الوقت : 9:30 الصبح – 4 العصر
المكان : دوار ( 16 شارع عدلي- وسط البلد)
التكلفة: 750 جنيه ( في منح محدودة)
اخر ميعاد للتقديم هو 12 ابريل

هنعمل ايه ؟
الورشة عبارة عن أربع أيام بنحكي فيها ونتشارك قصصنا وخبراتنا, بنتحرك ونمثل ونلعب أدوار وبنتبادل أدوار, بنتعرف أكتر على مصادر لقوتنا ودعمنا, بنفهم نفسنا وسلوكياتنا ومشاعرنا أكترمن خلال استكشاف العالم الداخلي بتاعنا, بنتعلم نبطل نحكم على غيرنا وعلى نفسنا من باب أولى , بنشارك آلامنا وأوجاعنا وفي نفس الوقت بنفرح وبنلعب ونغني ونتحرك , بنعيش خبرات جديدة وبنتعلم التلقائية اللي هي "رد فعل جديد للمواقف القديمة اورد فعل مناسب للمواقف الجديدة" زي ما بيسميها مورينو- مؤسس السيكودراما- اللي للأسف بتقل مع الوقت لحد ما تختفي من حياتنا بسبب الضغوط والمشكلات اللي بنمر بيها.

مين ممكن يحضر ويستفيد من الورشة؟
اللي مر باوقات مش لاقي حد يفهمه او هو كمان مش فاهم نفسه ,اللي عنده فضول وشغف وجرأة انه يفهم نفسه اكتر,اللي محتاج ونس على الطريق ,اللي مر بصدمات بتعجز الكلمات عن وصفها ,اللي مفقتقد الطفل الحر المبدع التلقائي اللي كان جواه ,اللي بطل يحس من كترالوجع فارتاح شوية بس فقد كمان كل احساس بالسعادة
مش شرط تكون حضرت اي ورشة قبل كده .

للحجز، برجاء استكمال الاستمارة التالية

https://goo.gl/forms/oZcKPvqfINRsoajy2
سيتم ارسال ايميل للمقبولين
اخر ميعاد للتقديم الثلاثاء 12 ابريل 2018
هنبعتلكوا ايميل يوم 13 ابريل 2018
اخر ميعاد للدفع الاحد 17ابريل 2018

للدفع، ياما تنورونا في دوار و تدفعوا بنفسكوا او تحوليلونا المبلغ علي فودافون كاش "علي رقم 01009967483
ملحوظة مهمة: الدفع هو الوسيلة الوحيدة لتأكيد حضورك.

عن المدرب:
احمد سواحل اخصائي الطب النفسي هو المدير الطبي لمركز دوار للفنون والتنمية حاليا, عضو الجمعية المصرية للعلاجات الجماعية , يدرس حاليا بجامعة هليوبوليس , شارك في تقديم الكثير من الورش للدعم النفسي للاجئين من مختلف الجنسيات, عمل بمستشفى الصحة النفسية بحلوان بأقسام الطوارئ والبالغين والأطفال والمراهقين والإدمان ويرأس حاليا وحدة التأهيل وطب المجتمع.
خريج كلية الطب جامعة المنصورة, وأنهي سنوات الزمالة المصرية للطب النفسي,كما حصل علي دبلوم في الانثربولوجيا من جامعة القاهرة ودبلوم في إدارة المنشآت الطبية من جامعة شبين وحصل على دبلوم العلاج بالسيكودراما مع المدرب بن ريفرز معتمد من معهد فيرجينا, الولايات المتحدة .

عن دوار:
في "دوار" نستخدم المسرح التشاركي والدراما العلاجية وغيرها من المسارات المرتكزة الى الفنون من أجل التعافي وتدعيم الحوار والتحول المجتمعي .
يتكون الفريق من عدد من الفنانين والمربين والمعالجين النفسيين وممارسي العلاج من مصر ولبنان وخارجهما.
معاً، نقدم عدداً من المبادرات التي تشجع على الإبداع والتفكير النقدي والمشاركة المدنية والتماسك المجتمعي.
كما يقدم "دوار" عددا من الأمسيات الثقافية تشمل عروضاً للأفلام ومعارض فنية وعروض المسرح الإرتجالي والإبتكاري، والموسيقى الحية وليالي قراءات شعرية .
نحن متخصصون في السيكودراما ومسرح إعادة التمثيل (بلاي باك) ومسرح المقهورين والمسرح الحركي والفنون التعبيرية والرقص/الحركة والغناء.
كما نقدم الخدمات العلاجية للأفراد والأسر والمجتمعات المتضررة من الضغوطات الحادة وصدمات الحياة المؤلمة والتي تشمل العنف القائم على النوع والجنس والحروب والتهجير .
يقدم قسم التدريب في "دوار" الورش والندوات والبرامج التدريبية المتخصصة في السيكودراما والمسرح التطبيقي والعلاج النفسي والفنون التمثيلية .
كما نقدم خدمات إستشارية وفرصا لإجراء البحوث والتدرّب على العمل للطلاب والباحثين والممارسين.


الدفع: في مقر دوار " 16 ش عدلى - وسط البلد - الدور الثالث- القاهرة "

لمزيد من المعلومات:
Facebook: www.facebook.com/DawarEgypt
Email: mhussien@dawararts.com
Phone: (+20) 01004901749