We use cookies to personalise content and ads, to provide social media features and to analyse our traffic. Read more…
Saturday
23
FEB

Öll bestu lög Vilhjálms Vilhjálmssonar

17:00
19:30
RIGG - viðburðir
Event organized by RIGG - viðburðir

Get Directions

Category
#var:page_name# cover

- ÖLL BESTU LÖG VILHJÁLMS VILHJÁLMSSONAR
Í ELDBORG 23. FEBRÚAR 2019 KL. 17:00
- Miðasala hefst 28. apríl 2018 kl. 12:00
Einir vinsælustu tónleikar síðari ára snúa aftur vegna fjölda áskoranna. Einstök stund í Eldborg sem unnendur Vilhjálms Vilhjálmssonar mega ekki missa af.
Vilhjálmur Hólmar Vilhjálmsson fæddist í Merkinesi í Höfnum á Suðurnesjunum. Fólk man ljúfa tenórrödd þessa ástsæla dægurlagasöngvara og það sem meira er, ungt fólk sem fætt er löngu eftir fráfall Vilhjálms dáir lögin sem hann gerði að sínum með persónulegum og áreynslulausum söngstíl.
Vilhjálmur ætlaði aldrei að verða dægurlagasöngvari. Stefnan var sett á háskólanám. En enginn má sköpum renna. Fyrstu skrefin á söngbrautinni voru stigin í menntaskólanum á Akureyri. Síðan tóku við sigrar með hljómsveitum Ingimars Eydals og Magnúsar Ingimarssonar. Þá urðu plöturnar vinsælar sem Vilhjálmur söng inn á ýmist einn eða með Elly systur sinni. Mörg lög lifa enn í minningunni hátt í fimmtíu árum eftir að þau komu út, svo sem Lítill drengur, Við eigum samleið og Bíddu pabbi svo að örfá séu nefnd.

- FRIÐRIK ÓMAR SYNGUR LÖG VILJÁLMS ÁSAMT 15 MANNA HLJÓMSVEIT UNDIR STJÓRN KARLS OLGEIRSSONAR -
Allt frá því að samstarf Friðriks Ómars og Guðrúnar Gunnarsdóttur hófst árið 2003 hefur Friðrik sungið lög Vilhjálms víða um land við góðan orðstír. Björt og fögur söngröddin minnir óneitanlega á áferð raddar Vilhjálms og ekki síður skýrmælgin sem einkenndi söng Vilhjálms.

Á þessum glæsilegu tónleikum mun Friðrik flytja fjölda laga sem Vilhjálmur söng á sínum ferli ásamt færustu hljóðfæraleikurum íslensku þjóðarinnar, gestasöngvurum og dönsurum.