We use cookies to personalise content and ads, to provide social media features and to analyse our traffic. Read more…
Thursday
26
APR

رحلة مرسى علم وحماطة ومحمية وادى الجمال ورحلة بحرية مستوى فخم

21:00
23:00
 Egyptian Tourism Campaigns
Event organized by Egyptian Tourism Campaigns

Get Directions

Category
#var:page_name# cover

رحلة مرسى علم وحماطة ومحمية وادى الجمال ورحلة بحرية مستوى فخم

نظرا للاقبال على الرحلة (بالمستوى المميز) وعدد الايام اكتر قررنا نلبى طلب الجميع ونطلع مرسى علم وال بتعتبر رحلتين فى رحلة واحدة مزارات + استجمام . واختارنا توقيت الرحلة بحيث يكون داخل فيها اجازة جمعة وسبت وكمان اجازة عيد العمال

مبدئيا المكان دا مش زى اى مكان سياحى فى مصر .. المكان دا لسى بيور والطبيعة فيه لسى بخيرها وعشان كدا اول تعليمات الايفنت هو الالتزام بنظافة وسلامة اى مزار او مكان هنروحه سواء برى او بحرى لان دا واجب علينا اننا نحافظ على المكان وسلامته .. والرحلة دى منقسمة لشقين .. نصف الرحلة مجهود ومزارات وسفر والنصف التانى راحة واسترخاء .. الرحلة هتكون السفر يوم الخميس 26 ابريل ليلا فى حدود الساعة 8 م مثلا وهيتم تحديد موعد السفر بالضبط مع السادة المشتركين قبل الرحلة بيومين ان شاء الله .. ومدة السفر بالباص من 9 الى 10 ساعات بيكون فيهم حوالى من 2 الى 3 رست وبرنامج الرحلة كالاتى :

هنتجمع يوم الخميس مساء وهيتم تحديد موعد التحرك مع السادة المشتركين قبل الرحلة بيومين ان شاء الله (فى حدود الساعة 8 الى 9 م تقريبا ) . فى ميدان عبد المنعم رياض امام الجو باص .

هنوصل مرسى علم صباحا ان شاء الله وهنتسكن فى فندق مارينا لودج فى بورت غالب مرسى علم 4 نجوم على المارينا . وبعد ما نستلم الغرف هنغير و هنبدء نستعد عشان نطلع لرحلة مش هتنسوها فى حياتكم .. وهى زيارة محمية وادى الجمال برى .. والزيارة هتكون باتوبيس سياحة وعبارة عن زيارة الاتى .. (زيارة بوابة المحمية والتصوير عندها / التحرك الى جزر قلعان وغابات المانجروف وتناول وجبة غداء لذيذة عالبحر هناك ونزول المياه / التحرك لزيارة شاطئ حنكوراب ونزول المياه لمن يرغب .. وبعدها العودة الى الفندق ليلا وتناول العشاء والمبيت .

ثانى يوم صباحا هنصحى الصبح نخد وجبة الافطار بتاعتنا وبعدها نستعد للتحرك الى مارينا مرسى علم للتحرك باليخت وقضاء رحلة بحرية بالغداء لمنطقة شعاب مرسى علم . ثم العودة الى حماطة للتحرك والتسكين بفندق مارينا لودج مرة اخرى وهنتناول وجبة العشاء والتسكين بالغرف .

بعد العشاء فى فترة مفتوحة لل حابب ينزل يتمشى فى مارينا والممشى السياحى لبورت غالب وهى قريبة جدا من الفندق .

اليوم الثالث تناول الافطار صباحا وترك فترة راحة والاستعداد للخروج لركوب الغواصة البحرية (اختيارى لمن يرغب) والاستعداد للتحرك لفندق كونكورد مورين بيتش ريزورت مرسى علم‏ 5 نجوم .. اقامة كاملة بجميع الوجبات والمشروبات الغير كحولية .(هذا الفندق من افضل واجمل فنادق مرسى علم وله شاطئ خاص ومارينا خاصة رائع جدااا )

وعندك فى فندق كنكورد شاطئ عالمى عمرك ما هتنساه فى حياتك ومارينا جوا الفندق هتتفرج من عليها على اجمل شعاب مرجانية واسماك ملونة ممكن تشوفها وهتقضى اروع يومين فى فندق من اجمل الفنادق ال هتستمتع فيها .

اليوم الرابع الاستمتاع بالفندق شواطئ وحمامات سباحة ويوم راحة لاتاحة الفرصة لمن يرغب بعمل غطس بمرسى علم .

اليوم الخامس الاستيقاظ مبكرا وتناول الافطار والاستمتاع بالشاطئ حتى الساعة 10 ص وبعدها الاستعداد للتحرك الى القاهرة ووصول القاهرة حوالى الساعة 9 الى 10 م تقريبا بمشيئة الله .

سعر الرحلة شامل الاقامة ليلتين بفندق مارينا لودج بورت غالب 4 نجوم على مارينا بورت غالب + الاقامة ليلتين بفندق كونكورد مرسى علم 5 نجوم على البحر (الغرف مطلة على الجاردن ) وشامل الانتقالات من والى القاهرة باتوبيس سياحى مكيف وشامل الوجبات خارج الفنادق وداخلها والرحلة البحرية 3350 جنيه للمصرى .

ملحوظات هامة :

اختارنا التوقيت دا بحيث يكون داخل فى الرحلة يوم جمعة ويوم سبت ويوم اجازة عيد العمال :)

هذه الرحلة لمدة 5 ايام 4 ليالى بدون ليلة السفر اثناء الذهاب والرحلة شاقة وغير مناسبة للاطفال اقل من 12 سنة وكبار السن نظرا لمشقة السفر الطويل ومشقة التحركات فى المحمية خصوصا يوم الوصول (هنوصل الفندق بعد السفر من القاهرة هنغير ملابسنا ونكمل سفر تانى بعدها حوالى ساعتين لمحمية وادى الجمال ووصولا الى حماطة ) .

احنا اختارنا فى الاول فندق 4 نجوم متوسط المستوى لاننا هنكون طول النهار برا الفندق ومش هنستخدمة الا فى النوم فقط واختارنا فى النص التانى من الرحلة فندق 5 نجوم من افضل فنادق مرسى علم وافخمها لاننا هنقدر نستمتع بخدمات الفندق على مدار فترة الاقامة.

الغرف فى فندق الكنكورد تطل على الجاردن وليس على البحر فى حالة الرغبة فى التحويل لغرفة مطلة على البحر يتم اضافة 250ج للفرد فى الليلتين يعنى 500 ج للغرفة فردين فى الليلتين فى فندق الكنكورد مع العلم بان كل الغرف بالفندق مستوى مميزز وواحد الفرق فى الفيو فقط :)

بالنسبة للغطس احنا بننسق مع مركز الغطس الموجود داخل الفندق فى كنكورد وهناك فى كهف فى البحر فى شاطئ الكنكورد ودا من اجمل المناطق ال ممكن تغطس فيها ومن غير ما تخرج برا الفندق وهنقولكم على تكلفة رحلة الغطس بعد التنسيق مع المركز واحنا فى الباص ان شاء الله .

بالنسبة للغواصة والعشاء البدوى وهى رحلة جميلة وممتعة جدا فى مرسى علم هنبلغكم بالتكلفة فى الباص.

شوطئ الفنادق صخرية نظرا لان كلها شعاب مرجانية ولذلك هات معاك حذاء للبحر من محلات الادوات الرياضية .

اسعار رحلات مرسى علم غالية طبعا بالمقارنة مع رحلات شرم الشيخ والغردقة ودا نظرا لاختلاف وطبيعة المكان هناك وارتفاع اسعار الاقامة والانتقالات والبرنامج الترفيهى والتصريحات لبعض المزارات .. ونظرا لاننا اختارنا لحضراتكم فندقين مميزين من افضل فنادق مرسى علم وبورت غالب . وكمان الرحلة هنا شاملة كل البرنامج بدون اى اضافات اختيارية (باستثناء الغواصة والعشاء البدوى والغطس) ولمدة 5 ايام كاملة بدون ليلة الذهاب .

الصور المرفقة هنا هى للفندقين وللمزارات والشواطئ ال هنزورها ان شاء الله .

العدد المطلوب للرحلة محدود جدا والاولوية باسبقية الحجز .. والحجز يكون بدفع ثلثى المبلغ والثلث الاخر يوم الرحلة ان شاء الله.

الحجز باسرع وقت فى خلال ايام والا سيكتمل العدد ومن الممكن ان يكتمل العدد فى خلال ساعات

فى حالة عدم اكتمال العدد ل 40 فرد (اتوبيس كبير) سيتم تنظيم الرحلة ولكن باتوبيس صغير كوستر (20 فرد)

للحجز عن طريق المقابله او من خلال خاصية فودافون كاش او من خلال البريد يرجى التواصل على رقم: 01061469692

سياسة الغاء الحجز :

لو تم الالغاء قبل الرحلة باكثر من 14 يوم يتم رد كامل المبلغ المدفوع للعميل

و لو تم الغاء الحجز فى مدة اقل من 14 يوم يتم خصم نصف تمن الرحلة .. والالغاء قبل الرحلة بمدة اقل من 7 ايام يتم خصم كامل المبلغ .. وفى حالة حضور احد لحجز الاماكن التى تم الغائها يتم رد كامل المبلغ بمجرد ان يتم حجز الاماكن التى تم الغاؤها .

نتمنى لكم قضاء رحلة سعيدة وممتعة بمشيئة الله

لو اول مرة تشتركو معانا وعاوزين تعرفو احنا مين و اتعرفو معانا على تاريخكم وشوفو بلدكم بعيون مختلفة و تقدرو تتابعونا وتعرفو اخبار وتفاصيل الرحلات بمجرد ما نعلن عنها من خلال صفحتنا الرسمية من الرابط التالى :
https://www.facebook.com/7amalategypt
او الجروب الرسمى بتاعنا من الرابط التالى :
https://www.facebook.com/groups/fehahagahelwa